• Sat. Nov 27th, 2021

AL2

…është media jote

Gola dhe spektakël, Tirana mposht Teutën dhe merr kreun e vetme (VIDEO)

Byadmin

Oct 17, 2021

Përballjen direkte mes kryesuesve e fiton Tirana, që mposht 3-2 Teutën në “Elbasan Arena” dhe shkëputet e vetme në krye të renditjes, në kuotën e 11 pikëve, tre më tepër se durrsakët dhe Kukësi që e ndjekin.

Bardheblutë ia dalin të marrin tre pikë në një sfidë mjaft të komplikuar, pasi trajneri Shehi e nisi ndeshjen pa disa prej titullarëve, që ishin rikuperuar rishtazi nga koronavirusi, megjithatë ata që zbritën në fushë, justifikuan besimin.

Xhixha hapi festivalin e golave dhe madje mund të kishte shënuar shumë më tepër se një gol, nëse do të ishte treguar më gjak-ftohtë para portës, ndërsa Teuta rigjen baraspeshën me Ivanovic,pas një goditjeje standarde, të cilat durrsakët i kanë specialitet.

Në pjesën e dytë bëri gjithçka Tirana, që fillimisht shënoi në portën e saj me Najdovskin dhe më pas dy herë në atë të Pano Qirkos, me anë të Totre dhe Vesel Limajt, i cili nxori nga repertori një nga golat më spektakolarë, për t’u dhënë tre pikë bardhebluve.

Teuta-Tirana 2:3  Ivanovic 16′, Najdovski (AG) 47’/ Xhixha 1′, Totre 50′, Limaj 64′

Leave a Reply

Your email address will not be published. Required fields are marked *