• Wed. Dec 1st, 2021

AL2

…është media jote

Daja: Kukësi luajti për barazim. Ja çfarë i kërkova gjyqtarit! Longo: Kukësi im si Napoli i Sarrit! (VIDEO)

Byadmin

Oct 17, 2021

Trajneri i Partizanit, Ilir Daja, ka shpjeguar se barazimi i sotëm ndaj Kukësit ishte rezultat i pranueshëm, edhe pse skuadra e tij bëri atë që duhej kundër verilindorëve në kërkim të fitores.

Në “SuperSport’ ai theksoi se pse skuadra e tij kishte shfaqur probleme në pjesën e parë dhe në të dytën kishte qenë shumë më kërkuese e pranë portës deri në sekondat e fundit.

“Nuk kemi bërë mirë pjesën e parë. Arsyeja është se na morën qendrën e mesfushën sepse Kaçe nuk ka gjendjen e mirë fizike për të mbuluar hapësirë të madhe. Morëm masa në pushimin e ndeshjes, ndryshuam dhe vendosëm Kaçen në markim direkt, Kukësi bëri më mirë, ne bëmë më mirë në të dytën, arritëm të shkonim te goli, mundëm të dyfishonim me Malën që humbi penallti në lëvizje. Në situatë kundërsulmi, në vendosje gabim vjen edhe barazimi. Ne e kërkuam më shumë në pjesën e dytë se u pa në rastet që kishim, donim të kishim lojë sa më shumë. Duhet përshëndetur Kukësi për atë që dha për pjesën e parë, në të dytën mendoi më shumë të shkonte te barazimi, ne me rastet që kishim mund të ishim më cinikë dhe mund të arrinim fitoren.

Rrapaj është 20-vjeçar, sapo i ka mbushur dhe po luan në formacion me Partizanin dhe besoj se mund t’i jepet mundësia të luajë me ekipin U21, po luan goxha mirë. Saliu sapo ka mbushur 20 vjeç dhe Marku është datëlindja e tyre. Si dhe Maget, të cilin ne e kishim menduar ta fillonim me të. Por duke qenë se ai kishte ardhur në momentet e fundit, edhe pse Kaçe nuk ishte stërvitur plotësisht, por në fund menduam se na duhej eksperienca e Kaçes. Ndaj ndryshuam në dy seancat e fundit se gjithë kohës kemi punuar me Maget në formacion. Ai është 18-vjeçar dhe ka të ardhmen përpara e do të na ndihmojë, ne momentin që bëhet pjesë e manovrës.

Biseda me gjyqtarin? Është gjyqtar i ri që e kam vlerësuar në çdo ndeshje, pavarësisht rezultatit. Ne futëm Carën pa nxemje në një faull ku Kardozo ka frakturë te klavikula. Në të tre moment që u bë faull e la në avantazh e nuk e dha. Është pak për një gjyqtar të ri, besoj se është ndër ata më me perspektivë të Federatës dhe i thashë vetëm për mundësinë që të të kishim më shumë lojë aktive. Nuk jam i pakënaqur nga gjyqtari, lojën e mbajti shumë mirë”, tha Daja pas sfidës.

Pika e marrë në ‘’Air Albania’’ përballë Partizanit nuk e ka kënaqur aspak trajnerin e Kukësit, Diego Longo i cili pas ndeshjes u shpreh se hynë në fushë për fitore. Ndër të tjera, tekniku italian e krahasoi Kukësin me Napolin kur drejtohej nga Mauricio Sarri.

”Nuk e miratoj që Kukësit erdhi për barazim, nuk jam i kënaqur me rezultatin. Bëmë lojën tonë në pjesën e parë, por dhe në të dytën. Këtu kishte strategji të ndryshme mes ekipeve, por bëmë vetëm një gabim në topin e gjatë mbrapa. Dhe nëse një ekip meritonte të fitonte ishim ne.

Jemi duke humbur shumë pikë në çdo ndeshje, dhe nuk është diçka i mirë, por jam i kënaqur me mënyrën si po luajmë. Ka pasur një ndryshim pozitiv, pasi jemi më të afërt me njëri-tjetrin në klub dhe kjo na bën të jemi më të bashkuar, dhe kjo është arsye pse jemi më të lumtur.

Në pjesën e dytë u munduam të sulmojmë më shumë nga krahët, krijuam disa hapësira, ndonjëherë për tu bërë më i rrezikshëm duhet të humbasësh disa balanca, ne kërkuam të fitojmë ndeshjen. Mesfushorët kanë punuar shumë, dhe janë ata që na kanë ndihmuar shumë. Kishim një mundësi të mirë me Shqiprim Taipin, është e vërtetë që kishim më shumë mundësi dhe ishim më të mirë. Mund të them se kishim raste të pastra kur ishim 0-0, si për shembull rasti i Bashës kur ishte vetëm 3 metra larg portës në pjesën e parë.

Janë shumë gjëra që duhen përmirësuar, dua që të përmirësoj diçka në çdo stërvitje, imagjino sa ka për të përmirësuar në çdo ndeshje.

Jam i lumtur që njerëzit i shijojnë ndeshjet tona, Partizanin e krahasova me Juventusin për historinë dhe traditën që ka, por sepse dinë të menaxhojnë shumë mirë situata dhe të jenë të sigurt. Kjo është ajo që e përfiton kur luan në nivele të larta për shumë vite dhe me eksperiencë. Vitin e kaluar kemi pësuar 12 gola ndaj tyre, dhe kemi shënuar vetëm 2, ndërsa sot provuam me të gjitha shanset të fitonim

Jam shumë i mirë të bëjë krahasime për të tjerët, por mund të them që jemi si Napoli kur drejtohet nga Sarri”, ishin fjalët e Longos.

Leave a Reply

Your email address will not be published. Required fields are marked *