• Sat. Dec 4th, 2021

AL2

…është media jote

Hafizi: Më vjen mirë kur fitojmë me rezultat të tillë! Gega: Fitore që të mësojmë të gëzohemi

Byadmin

Sep 9, 2021

Astrit Hafizi, ish-trajneri i përfaqësueses shqiptare, e ka vlerësuar suksesin e sotëm të Shqipërisë ndaj San Marinos si shumë pozitiv. Sipas tij, ekipi në këtë mënyrë përfitonte nga ana psikologjike mbi të gjitha.

Por gjithsesi ai vlerëson se nuk duhej cilësuar si arritje e madhe rezultati ndaj një kundërshtari të një niveli shumë të dobët, apo rekorde ndaj skuadrave si San Marino, siç shpjegoi në fjalët e tij për “SuperSport”.

“Më vjen mirë kur fitojmë edhe me një skuadër nën nivelin tonë me rezultat të tillë. E rëndësishme ishte të kemi siguri në sulm se janë të rralla këto fitore të thella, i bëjmë rrallë dhe kjo është shenjë e mirë për skuadrën nga ana psikologjike e morale. Shumë skuadra e rregullojnë golavarazhin me këto ekipe. mendoj se është gjë pozitive. Duhet të mendojmë për të ardhmen se na presin ndeshje shumë të vështira që në tetor.

Reja ka qenë me fat që ka këto kundërshtarë, se është edhe me fat, jo me inat. Mendoj se analiza e ndeshjes me Poloninë, nuk e di pse vazhdohet me këtë ritëm. Derisa është një humbje e tillë, nuk është se mund të thuash se mund të kesh qenë shumë mirë. Kemi pasur disa fragmente loje, ajo duhet analizuar mirë se është kundërshtar që i merr pikë Anglisë, kurse ti ke humbur. Pastaj mos kalo te Polonia pa kaluar te Hungaria.

Ne këto 15 pikë që mund të marrim që tani, ka nga disa kundërshtarë që i ke shumë mbrapa në renditje. Ne nuk kemi pasur ndonjëherë shorte të tillë me kundërshtarë të tillë, mos i quajmë disa arritje…”, tha Hafizi pas duelit.

Skënder Gega mendon se kjo fitore ndaj San Marinos i jep moral ekipit që duhet të mësojë të festojë ndeshje të tilla ndaj një kundërshtari me nivel të dobët. Në fjalët e tij për “SuperSport”, ish-trajneri i Shpresave theksoi se e rëndësishme është të konsolidohet grupi, ndërsa skuadra ka të drejtën e plotë të vazhdojë të ndërrojë me pozita të tilla në grup.

“Ne duhet të mësohemi të gëzohemi, pavarësisht se ishte San Marino. Nuk kam parë ekip më të dobët në histori. Marrim trepikëshin, luajmë, edhe fantazojmë. Shënojnë Hysaj e Laçi, kjo tregon se është epërsia 10 mijë përqind ndaj tyre. Jemi në vend të dytë, deri në tetor na ndihmon për besimin. Siç e thashë në pjesën e parë, asgjë nuk është e paarritshme.

Për mua është arritje nëse ky grup konsolidohet si një grup që të jep shpresë se është moshë e re. Njerëzit nuk kanë durim, por unë mendoj se kemi mundësi. Është e drejta jonë e plotë të shpresojmë që ato dy ndeshje, plus Andorrën, që të mund t’ia dalim. Nëse ia dalim pastaj, në play-off e gjëra të tjera, mund të flasim më vonë”, tha Gega.

Leave a Reply

Your email address will not be published. Required fields are marked *