• Thu. Dec 2nd, 2021

AL2

…është media jote

Sot sfida ndaj San Marinos/ Ja formacioni i mundshëm i Kombëtares (FOTO)

Byadmin

Sep 8, 2021

Edi Reja do të hedhë një Shqipëri sulmuese. Përballë San Marinos, trajneri kërkon nga të tijtë që të kenë ekuilibrat e duhur, ndërsa do të rreshtojë një formacion që direktivat e shndërrojnë në 3-4-3, edhe pse skema tradicionale e vendosjes pa top është 5-2-3, me Bajramin forcë të shtuar për dyshen e sulmit.

FORMACIONI

Shqipëria do të kërkojë që të mos bëjë asnjë gafë në këtë 90-minutësh, që do të ishte vrastare për shanset e kuqezinjve në rrugëtimin drejt “Katar 2022”.

Trajneri Reja pritet që t’i japë shanse Thomas Strakoshës në portë. Përpara portierit të Lacios, një tjetër risi mund të jetë ajo e Enea Mihajt, për t’i dhënë shanset që këtë sezon të zhvillojë ndeshjen e parë pas një dëmtimi të gjatë.

Mbrojtësi është rikuperuar me PAOK pas një operacioni në gju dhe është gati për të zbritur në fushë. Gjasat janë që pushim për këtë ndeshje të jetë një mes Gjimshitit dhe Ismajlit, me këtë të fundit më të prirur për ta ndjekur ndeshjen nga stoli. Në qendër pritet Kumbulla.

SI KAMELEON

Skema do të jetë tradicionale, 5-3-2. Me Bajramin, Shqipëria tashmë ka shanset që të transformohet në disa skema gjatë lojës.

“Panorama Sport” ka mësuar se në direktivat e trajnerit Reja, taktika do të jetë që ekipi të zhvendoset me modulin 3- 4-3 në momentin e ndërtimit të aksioneve sulmuese.

Bajrami të dalë në të djathtë të sulmit dhe Uzuni në të majtë, me Manajn në qendër të repartit të avancuar. Në mesfushë, Bare dhe Laçi duhet të bëjnë rregullatorin e reparteve në të dy fazat e lojës.

Nga krahët, si pistonat që do të bëjnë të dy linjat, vendosen Doka në të djathtë dhe Hysaj në të majtë. Kapiteni këtë herë vjen në versionin e të besuarit të Mauricio Sarrit, që e cakton shkodranin në të majtë të mbrojtjes.

SULMI

Sokol Cikalleshi ndjen shqetësime në gjurin e majtë, ndërsa as Bekim Balaj nuk është në formën e tij më të mirë. Për këtë, alternativat e Rejës zvogëlohen në 3 qendërsulmues për 2 vende.

Gazeta mëson se Manaj është përzgjedhur për repartin e avancuar, ku përkrah tij në rreshtimin tradicional do të jetë Uzuni.

Mirëpo, sipas direktivave taktike, pritet që bomberi i Ferencvaroshit të sulmojë nga e majta me Bajramin që bëhet sulmuesi i tretë nga e djathta, nën udhëheqjen e Manajt në qendër të ofensivës kuqezi.

Për Brojën, një tjetër ndeshje në pritje, ku gjasat janë që të ketë sërish shanse nga stoli, për ta testuar se çfarë mund të bëjë, qoftë edhe për t’i dhënë një leksion maturie.

Leave a Reply

Your email address will not be published. Required fields are marked *