• Thu. Dec 2nd, 2021

AL2

…është media jote

Konfirmohet mungesa e Abrashit/ Nga Bajrami te Cikalleshi, ja situata me lojtarët e dëmtuar të Kombëtares

Byadmin

Sep 6, 2021

Kombëtarja shqiptare ka zhvilluar këtë të hënë një seancë stërvitore në kompleksin Tropikal në Durrës në kuadër të përgatitjeve për ndeshjen e radhës të eliminatoreve të Botërorit “Katar 2022” ndaj San Marinos.

Lojtarët që u aktivizuan si titullarë në ndeshjen ndaj Hungarisë u stërvitën të diferencuar për shkak të lodhjes fizike.

Zyra e shtypit në FSHF bën me dije se disa lojtarë që kanë probleme fizike pas duelit me Hungarinë i janë nënshtruar testeve dhe pritet përgjigja e stafit mjekësor për të parë nëse do të jenë të gatshëm për ndeshjen ndaj San Marinos.

May be an image of 3 people, people playing football, people standing and grass

Për Sokol Cikalleshin, i cili nuk u aktivizua ndaj hungarezëve për shkak të një dëmtimi në gju, do të vendoset nesër në mëngjes nëse do të mund të luajë ndaj San Marinos ose jo. Sulmuesi ka zhvilluar stërvitje të diferencuar.

Dëmtime të vogla kanë pësuar edhe Lorenc Trashi, Nedim Bajrami e Bekim Balaj, por që të tre parashikohet të jenë gati për lojë sipas stafit mjekësor kuqezi.

May be an image of 4 people, people playing football, people standing and grass

Amir Abrashi do të mungojë ndaj San Marinos për shkak se ka pësuar një tërheqje dhe ka nevojë për një pushim për t’u rikuperuar.

Në sfidën e të mërkurës do të mungojë edhe mesfushori Klaus Gjasula, i skualifikuar pas kartonit të marrë ndaj Hungarisë.

May be an image of 2 people, people playing football, people standing and grass

Leave a Reply

Your email address will not be published. Required fields are marked *