• Thu. Dec 2nd, 2021

AL2

…është media jote

Reja: Kujt nuk i pëlqejnë zgjedhjet, do rrijë në shtëpi! Trashi: Nuk e prisja këtë dëmtim!

Byadmin

Sep 5, 2021

Edy Reja e nisi prononcimin për panelin e emisionit “Kuqezi”, duke shprehur keqardhjen për atë humbje të thellë në Polonia, ku Shqipëria luajti po kaq mirë si ndaj Hungarisë.

“Kur flitet për Poloninë e 4-1 thuhet se nuk ishim, por kemi luajtur më mirë se Polonia. Kemi bërë edhe sot një ndeshje të mirë. Në pjesën e parë kemi krijuar disa mundësi, duhej të konkretizonim më pare, pastaj erdhi ky gol që na liroi. Por duhet t’i njohim meritat e Hungarisë që luftoi e na bëri të vuajmë me topa të gjatë. Të mundësh Hungarinë, që ka luajtur në Europian, nuk është pak.”

Rastet e humbura: “Vuajtëm sidomos në aspektin fizik, gjithçka e merituam, sepse djemtë ishin të fokusuar me kokë dhe zemër. Në fazën mbrojtëse kemi bërë një ndeshje të mirë, ndërsa përpara me episode, duhet të jemi më konkretë, kemi humbur disa mundësi të mira.”

Broja nga stoli: “Nuk ka titullarë, ka shënuar edhe Çikalleshi. Çfarë të bëj? Të hedh Brojën, Çikalleshin? Ta shohim! Nëse vjen në formë e me kondicionin e duhur… Ttë shohim se si do të jetë me klubin. Nëse luan titullar, duhet marrë në konsideratë. Ai ka aftësi të rëndësishme. Ka një talent dhe hapësirë rritjeje nga mosha që ka, por duhet përmirësuar në shumë aspekte. Në kombëtare nuk është si klubi, ku ke kohë për gjithçka, këtu nuk e ke këtë mundësi. Çdo top që merr është një top që duhet ta luash, jo ta humbasësh.

Më shumë qetësi në administrim: “Duhet administruar më mirë topi. Ne kemi humbur shumë mundësi, edhe kur shënuam duhej ta mbanim më mirë topin, jo ta largonim. Një skuadër në avantazh duhet të luajë me më pak presion, por kjo është një ndeshje vendimtare. Po të humbej, ishim jashtë. Sot u kthyem në garë dhe treguam se jemi të gjallë.

Diskutimi me Brojën: “kam folur vetëm për pozicionin që duhej të mbante dhe sidomos të bënte të dyja fazat me top dhe pa top, sepse në ato 20 minuta duhet të punojë për ekipin. Ai bëri mirë, edhe duke gjetur pozicionet. Ai duhet të vihet në pozicion, që t’u japë lehtësi mesfushorëve. Nëse ai e mëson edhe këtë… Kur ai të mësojë të bëjë gjërat pa top, do të bëhet një lojtar i kompletuar. Kemi 28 lojtarë, këtu nuk ka titullarë e zëvendësues. Unë bëj zgjedhje. Nëse i pranojnë, mirë, përndryshe të rrinë në shtëpi.

Objektivi i Shqipërisë: “Do të luajmë shanset tona, tani kemi San Marinon, një ndeshje që duhet ta përballojmë në mënyrën e duhur. Pastaj do të luajmë shanset me Poloninë. Duhet të hakmerremi për humbjen e rëndë. Të shohim në çfarë gjendje do të vijnë lojtarët, kush është në formë, nuk jemi në kushtet që mund të gabojmë. Derisa kemi shanse, do të luajmë deri në fund”.

Lorenc Trashi u aktivizua titullar në triumfin ndaj Hungarisë 1-0. Mbrojtësi gramshiot la fushën e lojës në startin e pjesës së dytë, për shkak të një dëmtimi. Në prononcimin pas ndeshjes për mikrofonin e “RTSH”, Trashi u shpreh:

“Nuk e prisja këtë dëmtim. Është dëmtim i rëndë realisht, mendova se kaloi. E ndjeva tendinën të rëndë, shpresoj që kur të shkojmë të bëjmë testet të mos jetë i rëndë.

Jam i kënaqur me besimin e trajnerit dhe shpresoj që unë dhe ekipi të arrijmë objektivat tona. Rezultati me Poloninë është i papranueshëm edhe se luajtëm mirë.

Tashmë e harruam, sot na duheshin pikët sepse do ishte shumë e komplikuar. Nuk kishim kohë as për të marrë veten. Sot na u kthye fati i Polonisë.

Sot bëmë lojë të mirë, jo si me Poloninë, por jemi të lumtur me ndeshjen. Gjyqtarit i thashë se rivali më ka goditur rëndë, të komunikojë me kolegët dhe duhet të jepte karton e ta shihte në VAR”, tha Trashi.

Leave a Reply

Your email address will not be published. Required fields are marked *