• Wed. Dec 1st, 2021

AL2

…është media jote

Historike! FSHF fiton betejën në CAS, Nedim Bajrami vesh fanellën kuqezi (FOTO)

Byadmin

Aug 30, 2021

Shqipëria ka arritur një një tjetër fitore të madhe në betejën institucionale me organizatat që drejtojnë futbollin botëror. Nedim Bajrami do të vishet kuqezi dhe do të jetë përforcimi më i rëndësishëm për trajnerin Edy Reja në kuadër të tre sfidave që na presin ndaj Polonisë, Hungarisë dhe San Marinos.

Gjykata e Arbitrazhit Sportiv i ka dhënë të drejtë FSHF-së në betejën ndaj FIFA-s, me qeverinë ndërkombëtare të futbollit që kish penguar aktivizimin e yllit të Empolit më skuadrën tonë përfaqësuese.

Sigurisht që nuk është një fitore si ajo ndaj UEFA-s për ngjarjet e rënda të Beogradit, por gjithsesi mbetet një sukses shumë i rëndësishëm i marrë në CAS nga ana e institucionit që drejton futbollin shqiptar.

FIFA e pengoi aktivizimin e 22-vjeçarit me kombëtaren tonë për shkak se Bajrami kish luajtur disa ndeshje me përfaqësuesen e 21-vjeçarëve të Zvicrës dhe sipas rregullores, një futbollist që kalon moshën 21 vjeç dhe luan me një kombëtare, qoftë ajo e shpresave, nuk ka të drejtë të ndryshojë përfaqësuese, megjithatë ky pretendim, i cili zanafillën e pati në federatën zvicerane, është hedhur poshtë nga Gjykata e Arbitrazhit Sportiv.

Tashmë djaloshi nga Tetova, i lindur në Zyrih, do të jetë një armë shumë e fortë për trajnerin Edy Reja, teksa edhe në dy sfidat e para të Serisë A ka zhvilluar paraqitje vërtetë të jashtëzakonshme me fanellën e Empolit, sidomos në sfidën e fundit kundër Juventusit.

Leave a Reply

Your email address will not be published. Required fields are marked *