• Wed. Dec 1st, 2021

AL2

…është media jote

Fitore ‘in-extremis’, Ukraina kalon në çerekfinale duke mposhtur Suedinë! (VIDEO)

Byadmin

Jun 29, 2021

Ukraina është skuadra e fundit që siguron kalimin në çerekfinale. Skuadra e drejtuar nga Andrij Shevchenko ia doli të triumfojë 2-1 ndaj Suedisë pas 120 minutash lojë në Glasgow të Skocisë dhe tani do të sfidojë Anglinë në çerekfinale.

Ukrainasit kaluan të parët në avantazh me anë të anësorit të Manchester City-t, Zinchenko, që mori një kros nga Yarmolenko dhe gjuajti saktë për të dërguar topin në rrjetē.

Suedia ia doli të rikthejë baraspeshën po nnë pjesën e parë me anë të Forsberg, që shënoi pas asistit të Isak, ndërsa rezultati 1-1 mbeti i pandryshuar deri në fund të kohës së rregullt dhe dy skuadrat iu drejtuan shtesës 30-minutëshe.

Këtu ishte Danielson që u ndëshkua me karton të kuq dhe la Suedinë me 10 futbollistë, ndërsa ukrainasit shfrytëzuan epërsinë numerike dhe shënuan golin e kualifikimit me Dovbyk në minutën e 120-ë.

Kampionati Europian është futur në një fazë mjaft interesante, pasi janë luajtur të gjithë ndeshjet e 1/8-ave dhe janë përcaktuar skuadrat çerek-finaliste, duke modifikuar jo pak listën e pretendentëve.

Kështu Franca kampione bote, që cilësohej edhe si pretendentja kryesore për të triumfuar më 11 korrik në “Wembley”, i dha lamtumirën Kampionatit Europian që në fazën e 1/8-ave, pasi u eliminua në mënyrë të befasishme nga Zvicra në një ndeshje që u vendos nga goditja e penalltive.

Zhgënjyese paraqitja e “gjelave” që janë kthyer në shtëpi, ndërsa Euro 2020-a përfundoi në fazën e 1/8-ave edhe për një yll si Cristiano Ronaldo, pasi Portugalia e tij u mposht me rezultatin minimal 1-0 nga Belgjika, në një ndeshje vërtetë të pafat për luzitanët.

I dha lamtumirën Euro 2020-ës edhe Holanda, që zhgënjeu në përballjen me Republikën Çeke dhe humbi me rezultatin 2-0, ndërsa Spanja mposhti 5-3 Kroacinë nën kampione bote pas 120 minutash lojë dhe siguroi kalimin në çerekfinale.

Belgjikë-Itali do të jetë sfida më interesante e çerekfinaleve, me dy skuadrat që do të masin forcat më 2 korrik në “Allianz Arena” të Mynihut, ndërsa Spanja do të përballet me Zvicrën në të njëjtën datë dhe një ditë më vonë do të luhen dy sfidat e tjera Angli-Ukrainë dhe Danimarkë-Republikë Çeke.

Leave a Reply

Your email address will not be published. Required fields are marked *