• Thu. Dec 2nd, 2021

AL2

…është media jote

Kroaci-Spanjë ndeshje e çmendur por në fund gëzojnë iberikët! (VIDEO)

Byadmin

Jun 28, 2021

Spanja e ka eliminuar Kroacinë nga Euro 2020, pasi në vazhdime e mposhti me rezultat 5-3, për të kaluar në çerekfinale.

Takimi filloi më mirë për spanjollët, që rrezikuar pas vetëm 13 minutash lojë me anë të Pablo Sarabias, por goditja e tij përfundoi jashtë portë.

Shtatë minuta më vonë, nga një pasim në drejtim të Unai Simon, ky i fundit nuk arriti ta ndalte atë me sukses, duke shënuar kështu autogol.

Image

Por, kroatët nuk arritën të mbaheshin si duhej, me Furinë e Kuqe që i barazoi shifrat në 1-1. Ishte minuta e 38-të, kur Sarabia shënoi për t’i barazuar shifrat, e që përfitoi nga një tollovi e shkaktuar në zonën e Kroacisë.

Ndërsa, 45 minutat e dytë ishin mjaftë të furishëm, derisa u shënuan edhe tre gola të tjerë. Ishte minuta e 57-të kur Cesar Azpilicueta përmbysi rezultatin nga një asistim nga Ferran Torres për 2-1.

Spanjollët nuk u ndalën me kaq dhe shënuan edhe të tretin, tani Ferran Torres (77’) ishte në listën e realizatorëve, gjersa Pau Torres ishte asistuesi.

Image

Mirëpo, Kroacia nuk u dorëzua dhe ngushtoi epërsinë në 3-2 me golin e realizuar nga Mislav Orsic që shënoi në minutën e 85-të.

Kroatët vazhduan me presion të lartë edhe më tej, derisa i barazuan shifrat në 3-3 me anë të Mario Pasalic (90+2) me Orsic që ishte asistues.

Në vazhdime, lojtarët e Luis Enriques ishin edhe më të vendosur se në kohën e rregullt, duke shënuar edhe dy gola të tjerë

Image

Alvaro Morata ishte ai që e riktheu epërsinë për spanjollët, duke shënuan në minutën e 100-të nga një asistim i Dani Olmos.

Furia e Kuqe nuk u ndal me kaq dhe shënoi edhe të pestin, tani me anë të Mikel Oyarzabal (103’), e që Olmo ishte sërish asistues.

Spanja me këtë fitore kaloi në çerekfinale të Kampionatit Evropian, e që aty do të takohet me fituesin e takimit mes Francës dhe Zvicrës që fillon në ora 21:00.

Leave a Reply

Your email address will not be published. Required fields are marked *