• Wed. Dec 1st, 2021

AL2

…është media jote

Si mund ta përballojnë shqiptarët të nxehtin? Përgjigjen epike e jep deputeti Selami Jenisheri! (VIDEO)

Byadmin

Jun 24, 2021

Deputetët që u futën në parlament, si përfaqësues të opozitës, pas daljes së saj nga Kuvendi, kanë qenë në vëmendjen e mediave më së shumti për lapsuset apo gafat, sesa për punën e tyre si përfaqësues të qytetarëve.

Edhe sot në këto ditë të nxehta vere, ku i nxehti afrikan ka pushtuar vendin, nuk kanë munguar komentet pikante të njërit prej tyre, Selami Jenisheri.

Ai thotë se në mënyrë që qytetarët të përballojnë sa më lehtë këtë të nxehtë duhet të kenë një qeveri më të përgjegjshme, në mënyrë që të firmosë ndihmat humanitare që OKB ka vënë në dispozicionin tonë, në mënyrë që qytetarët të munden të blejnë kondicionerë.

“E vetmja mënyrë për të përballuar këtë temperaturë të lartë është të kemi një qeveri të përgjegjshme, e cila ndihmat humanitare që janë vënë në dispozicion të shqiptarëve nga Organizata e Kombeve të Bashkuara prej më shumë se 140 milionë euro, t’ia japi popullit që kenë kondicionerë dhe ta kalojnë këtë të nxehtë më kollaj”, thotë Jenisheri.

I pyetur nëse duhet të hiqen nga Parlamenti kondicionerët dhe t’u shpërndahen qytetarëve, Jenisheri tha se kjo nuk mund të ndodhë sepse ai institucion duhet ta ketë atë komoditet.

“Jo, kondicionerët në parlament janë në gjendje pune non stop dhe ai institucion duhet ta ketë atë komoditet, por ne si deputetë duhet të punojmë për ata njerëz që janë në minimumin jetik dhe ndihmat OKB na i ka vënë në dispozicion dhe ne nuk i firmosim”, deklaroi Jenisheri./Top Channel

Leave a Reply

Your email address will not be published. Required fields are marked *