• Thu. Nov 25th, 2021

AL2

…është media jote

Konferencë Liga/ Partizani, Vllaznia dhe Laçi, “bingo” kapet në turin e dytë…

Byadmin

Jun 4, 2021

Për herë të parë në historinë e saj, UEFA këtë sezon organizon një Kupë të re, Konferencë Ligën, finalja e së cilës është vendosur që për herë të parë të luhet në Shqipëri më 25 maj 2022 në stadiumin “Air Albania”.

Sipas strukturës së përcaktuar në këtë kompeticion marrin pjesë tri skuadra shqiptare, pikërisht fituesi i Kupës, si dhe vendet dy dhe tre në tabelën përfundimtare të sezonit. Vllaznia, Partizani dhe Laçi janë skuadrat shqiptare që inaugurojnë këtë veprimtare të re nga turi i parë kualifikues. Partizani dhe Laçi janë më të favorizuar në raundin e parë nga koeficienti që kanë siguruar në sezonet e shkuara dhe rreshtohen te grupi favorit, ndërsa Vllaznia pas një mungese të gjatë në Europë ndodhet te klubet jofavorite.

Nisur nga shumat e caktuara nga UEFA si shpërblime për pjesëmarrjen në çdo tur, i bie që tri klubet shqiptare minimumi duhet të synojnë kalimin në turin e dytë, në mënyrë që të bëjnë “bingo”, pasi nëse mjaftohen vetëm me pjesëmarrjen do të dalin me 250 mijë euro.

UEFA ka caktuar që të gjitha klubet pjesëmarrëse në tri raundet kualifikuese do të marrin për çdo raund nga 100 mijë euro plus shpërblimit të caktuar sipas tureve. Kjo shumë solidariteti vlen vetëm për klubet që nuk shkojnë në grupe, pasi ata që arrijnë nuk e përfitojnë.

Shpërblimi për turin e parë në Konferencë Ligën është 250 mijë euro (100 mijë shumë solidariteti + 150 mijë tarifë shpërblimi). Shpërblimi në turin e dytë është 450 mijë euro (100+350); shpërblimi për turin e tretë kualifikues është 650 mijë euro (100+550); shpërblimi për fazën “play off” është 850 mijë euro (100+750).

Kur klubet kapin fazën e grupeve në Konferencë Ligë, i bie që të përfitojnë edhe rreth 2.9 milionë euro, që shoqërohet pastaj me bonuset që kanë të bëjnë me 500 mijë euro për çdo fitore në grup apo 166 mijë euro për çdo barazim./PanoramaSport

Leave a Reply

Your email address will not be published. Required fields are marked *