• Wed. Dec 1st, 2021

AL2

…është media jote

Edi Martini: Vllazni, mos harro kur Partizani të rrëzoi në të dytën!

Byadmin

May 20, 2021

Teuta do të përballet me Laçin ditën e nesërme, me durrsakët që do të kërkojnë me çdo kusht fitoren, për të shpresuar në një hap fals të Partizanit, që përballet ditën e nesërme me Vllazninë.

Para mediave, trajneri i Teutës, ka thënë se ka mbetur i habitur nga deklarata e Gurishtës së Vllaznisë, duke thënë se në Shkodër nuk e harrojnë kur të kuqtë ia lëshuan ndeshjen Kamzës dy vite më parë dhe shkodranët ranë një kategori më poshtë.

“Normalisht që pas asaj humbje me Partizanin, skuadra s’ka qenë mirë në aspektin psikologjik. Por unë them që ne nuk meritonim ta humbnim atë ndeshje, djemtë deri në momentin që pësuam kanë bërë ndeshjen më të mirë të sezonit, por goli na penalizoi, na këputi këmbët dhe i dha zemër Partizanit që arriti të fitonte. Situata është njësoj siç e kishte Partizani detyrim të fitonte ndeshjes ndaj Teutës.

May be an image of 1 person

Ata luajtën gjithçka për gjithçka, ashtu jemi dhe ne për këtë ndeshje. Jemi në lojë dhe do luftojmë deri në fund. Pengu më i madh është humbja që pësuam, sepse po luanim mirë po kontrollonim lojën. Kishim raste shënimi dhe pësuam një gol që nuk duhet ta pësonim, ia dhuruam vetë pas një gabimi tonë, ky është pengu më i madh. Është një vit që ekipi ka bërë mjaft mirë në pjesën më dërrmuese të kohës, kështu që humbja është ajo që më shqetëson më tepër.

Shpresat janë shumë herë më të mëdha pasi Partizani ka dhe dy ndeshje, njërën më të vështirë se tjetrën. Luan këtë javë më Vllazninë dhe javës tjetër në Ballsh, kështu që është e detyruar të marrë dy fitore.

Në do shohim punën tonë, të fitojmë në Laç, të bëjmë më të mirën, të marrim tri pikët dhe të shkojmë deri në javën e fundit të kampionati.

Edi Martini sfidon Dajën, trajneri: TEUTA pretendentja kryesore për  titullin, ja sekreti ynë

Ky kampionat është bërë i pabesueshëm, nuk e di në çdo moment se si mund të shkojë ndeshja. Nëse do fitojë ose do barazojë Vllaznia, ky kampionat futet në një rrjedhë që do zgjidhet në ditën e fundit. Teuta është barazim me Laçin deri më tani. Në dy ndeshjet në Durrës ne kemi bërë lojë mjaft të mirë, ndërsa në Laç kemi luajtur më mirë se kundërshtari. Gjithsesi, kjo është një ndeshje që duhet luajtur dhe fituar. Ne do hymë në fushë me mendimin për ta fituar ndeshjen, pastaj do shohim çfarë sjell fusha lojës.

Unë nuk e di se si e ka thënë presidenti i Laçit, atë bisedë. Në do bëjmë punën tonë, unë e di që duke njohur presidentin e Laçit është një deklaratë më shumë thumbuese sesa deklaratë reale. Do jetë një ndeshje e luftuar dhe shpresoj të fitojmë ne.

VIDEO/ “Duhet të shfrytëzojmë fitoren ndaj Tiranës”, Edi Martini zgjedh mes  Kupës dhe kampionatit - Balkanweb.com - News24

Vllaznia ka bërë një kampionat shumë të mirë, asnjëherë Partizani s’e ka pasur të lehtë më Vllazninë, si në Shkodër si në Tiranë. Mendoj që ka mundësi ta fitojë ndeshjen dhe të futet në garë për titullin kampion dhe vetë Vllaznia, e shoh një ndeshje të luftuar.

Çuditem me deklaratën e Gurishtës, pasi unë kam shumë mesazhe në telefonin tim që nëse nuk e merr Vllaznia, të gjithë në Shkodër janë me Teutën. Gurishta ka qenë pjesë e Vllazninë dy vite më parë kur Partizani lëshoi një ndeshje ndaj Kamzës, kështu që shkodranët nuk ia falin kaq lehtë Partizanit”, tha Martini.

Leave a Reply

Your email address will not be published. Required fields are marked *