• Wed. Nov 24th, 2021

AL2

…është media jote

Teuta 0-1 Partizani/ Martini: Titulli, jo në dorën tonë! Daja: E arritëm një objektiv, radhën e ka Vllaznia

Byadmin

May 17, 2021

Teuta humbi një “match point” për titullin kampion, pasi u mposht me rezultatin minimal 0-1 nga Partizani në “Niko Dovana”, teksa tani e presin dy finale për të ngritur lart trofeun e shumëpritur në qytetin bregdetar.

Trajneri Edi Martini u shfaq mjaft i kënaqur me paraqitjen e të tijve, por pranoi se sfida e sotme u vendos nga një gabim i portierit Frashëri dhe bëri thirrje që skuadra të shikojë përpara nga ndeshjet e radhës.

Si ndiheni pasi keni humbur një ndeshje direkte?
Bëmë një super-ndeshje në pjesën e pare dhe kishim rastet tona, por e pësuam nga një gabim. Frashëri na ka shpëtuar në shumë ndeshje, sot bëri një gabim. Partizani mund të na godiste në pjesën e dytë sepse lamë hapësira mbrapa, megjithatë më vjen shumë keq që e humbëm këtë ndeshje.

Skuadra kishte dëshirë ta fitojë ndeshjen dhe u pa qartë që sulmoi që në fillim…
Ne nuk kemi pritur asnjë kundërshtar në asnjë moment dhe sot djemtë dhanë maksimumin, por kjo është loja. Nuk mendonim se do ta humbim ndeshjen, me gjithë respektin për Partizanit, por kjo është loja.

Sa do të ndikojë kjo humbje në garën për titullin kampion?
Kjo humbje e kompromenton garën për titull normalisht, pasi shanset ishin në dorën tonë, ndërsa tani janë në dorën e skuadrave të tjera. Nuk ka ndeshje të lehta, çdo ndeshje është e paparashikueshme dhe e fortë, mendoj që Partizani-Vllaznia dhe Laçi-Teuta, janë të 2 ndeshje të forta, vendimtare në garën për titull.

U patë shumë i tensionuar. Çfarë nuk ju pëlqeu sot te skuadra?
Ne në pushimin e ndeshjes biseduam me çunat dhe i thamë që një gol na mjafton për të arritur objektivin. Këto janë ndeshje që është e vështirë t’i mbash nervat. Bregu bën diferencën, por edhe Vila i vogël. Kemi pasur probleme me golat edhe më përpara, nuk është hera e parë sot. Duhet të jemi të përqendruar te 2 ndeshjet e mbetura, të bëjmë maksimumin tonë.

Partizani mori një fitore shumë të rëndësishme ndaj një rivali direkt ditën e sotme, duke u afruar më shumë me titullin kampion. Pa ndeshjes, tekniku i të kuqve, Ilir Daja, është shfaqur shumë i lumtur, teksa për mikrofonat e “Supersport” u shpreh:

“Të luash një ndeshje për mos humbur trenin e fundit, nuk është e lehtë. Sot kemi realizuar një objektiv që arritëm në Europë. Nuk duhet të kënaqemi e këtë. Të gjitha këto bëjnë që të kishte tension. Teutën nuk e kishim mundur në 3 takimet e tjera. Kishte një fillim të vrullshëm të Teutës, bënë që ekipi të kishte probleme. Mos them edhe gjera të tjera. Nuk i kthej lojtarët në presing difensiv, jam trajner që dua presion në sulm. Nëse luajmë në fushën tonë, kemi punë për të bërë. Ishim sipër me presingun.

Na kënaq, fakti që shkuam drejt fitores, ndaj një kundërshtari si Teuta. Në dy seancat e fundit, kemi pasur probleme për Zhunior dhe Brojën, ky i fundit ia doli.

Në pjesën e dytë kundërshtari shkoi me dy sulmues dhe duhej presing në mesfushë. Mund të kishim shënuar gola të tjerë, nëse do ishim treguar rezultativë. Ndonëse nuk kishte spektakël brenda, ekipi kishte dëshirën e madhe dhe kjo na dërgoi te 3 pikët. I shkon të gjithë futbollistëve kjo fitore.

Sulmi dhe rastet e humbura? Duhet të shikojmë në një këndvështrim tjetër, pasi sulmuesit kanë punuar shumë edhe prapa. Kur luan aty, edhe energjitë nuk i ke të duhurat për të qenë mirë përpara. Në një transfertë të vështirë si sot, ia dolëm të fitojmë.

Ndonjëherë edhe ne trajnerët e kalojmë cakun. Momentin kur e gjuajta topin me nervozizëm, ishte për lojën në pjesën e parë dhe për ndonjë gjë tjetër. E kisha për këta këtu.

Ndeshja me Vllazninë është shumë e rëndësishme, pasi është ndeshja e parafundit. Nuk do e kemi të lehtë në Ballsh, të fokusohemi te Vllaznia dhe pastaj të mendojmë për Bylisin.

Leave a Reply

Your email address will not be published. Required fields are marked *