• Thu. Dec 2nd, 2021

AL2

…është media jote

Nuk ka fitues në ndeshjen Napoli-Inter (VIDEO)

Byadmin

Apr 18, 2021

Derbi i javës së 31-të në Serie A mes Napolit dhe Interit nuk ka prodhuar fitues, pasi takimi përfundoi 1-1.

Sfida filloi me mjaftë kujdes nga të dyja skuadrat, që prisnin nga njëra-tjetra të gabonin dhe ajo gjë ndodhi.

Në minutën e 35-të, Samir Handanovic, duke tentuar të largonte topin nga porta, e futi atë në rrjetën e tij.

45 minutat e dytë ishin edhe më intensiv, pasi Nerazzurët kërkonin të përmbysnin rezultatin.

Lojtarët e drejtuar nga Antonio Conte ia dolën të rrezikonin portën e vendasve, duke shënuar golin e barazimit.

Ishte minuta e 55-të, kur Christian Eriksen me një goditje brilante i barazoi shifrat në 1-1.

Dhjetë minuta më vonë, Giovanni Di Lorenzo lëshoi një shans të artë për të rikthyer epërsinë e Napolit, pasi goditja e tij me kokë përfundoi jashtë porte.

Ishte minuta e 82-të, kur Piotr Zielinski u rrëzua në zonën e rreptësisë së Interit, duke kërkuar kështu penallti.

Por, gjyqtari Daniele Doveri në bashkëpunim me VAR-in sinjalizuan se nuk kishte 11 metërsh dhe loja duhej të vazhdonte.

Pas javës së 31-të, Interi vazhdon të jetë lider me 75 pikë, ndërsa Napoli është në të pestin me 60 sosh, dy më pak se Juventusi që është në të katërtin.

Leave a Reply

Your email address will not be published. Required fields are marked *